Kandidatja për kryeministre nga radhët e Lidhjes Demokratike të Kosovës, Vjosa Osmani, në Blic Interview me Astrit Gashin, është shprehur optimistë që do të ndodhë koalicioni me Lëvizjen Vetëvendosje.
“Unë pi dëgjoj disa njerëz që po thonë që më shpejt jeni pajtuar për program sesa për pozita, por nuk është ashtu. Ne kemi negociuar për program rreth dy muaj, kurse për pozita i kemi pasur dy takime”, ka thënë Osmani.
Osmani ka pasur një porosi për aktivistët e LDK-së dhe VV-së, që mos të bien pre e provokimeve nga jashtë, për ta akuzuar njëra-tjetrën.
“Ka mospajtime për ndonjë detaj, por cka është me rëndësi është që vullneti për me arritë këtë koalicion eksizton. Unë jam shumë optimiste që koalicioni do të ndodhë. është e rëndësishme që të gjithë, e sidomos aktivistët që mos të bien pre e provokimeve nga jashtë për ta prishur këtë koalicion”, ka shtuar ajo.
