Çështja e marrëveshjes së koalicionit mes VV-së dhe LDK-së, po shkon në luhatje e sipër nga deklaratat e dy partive.
Nënkryetari i Lëvizjes Vetëvendosje, Ajet Potera, në një postim në Facebook ka thënë se atë po e nervozojnë kolegët e tij të VV-së për ledhatimin që po ia bëjnë LDK-së.
Ai ka shkruar se VV-ja është fituese dhe do ta marrë kryeministrinë si dhe ka përmendur shtatë ministri.
“Ju tjerët e merrni Kryeparlamentarin dhe tri ministri”, ka shkruar ndër tjera Potera.
Postimi i plotë:
Nuk quhet ndryshim në qeveri me të njëjtit akter, për të cilin ndryshim kanë prit dhe kanë votuar populli. Ai ka votuar Lëvizjen VETËVENDOSJE! si ndryshim, nëse nuk i merr dikasteret të cilat kanë më së shumti ngecje, ai nuk quhet ndryshim por vazhdimësi e keq qeverisjes.
Po më bëjnë nervoz kolegët e mi të Lëvizjes me këtë ledhatim. Ne jemi fitues dhe i marrim Kryeministrin dhe këto ministri;
1. Ministrinë e Punëve të Brendshme
2. Ministrinë e Financave
3. Ministrinë e Drejtësisë
4. Ministrinë e Arsimit
5. Ministrinë e Shëndetësisë
6. Ministrin e Punëve të jashtme
7. Ministrin e Mbrojtjes
( edhe ministrin e ekonomisë dhe infrastruktës është gjynah më ja dhënë dikujt tjetër)
Ju tjerët e merrni Kryeparlamentarin dhe tri ministri! Dy ministri ju takojnë minoriteteve, ose merrni ose lerëni fare!
Populli e sheh vetëm Lëvizjen VETËVENDOSJE! si ndryshim dhe ajo është fituese ju tjetër nuk jeni. Ndryshimi është Lëvizja VETËVENDOSJ! Ju tjerëve ju kemi parë në qeverisje që 20 vite.
