Lëvizja Vetëvendosje dhe Lidhja Demokratike e Kosovës, assesi nuk po mirren vesh për nënshkrimin e një marrëveshje që të bashkqeverisin, shkruan gazeta “Bota sot”.
Posti i Presidentit tashmë është bë moll sherri mes këtyre dy partive. Megjithatë, pritet që shumë shpejt të “pajtohen” dhe të arrijnë marrëveshjen e shumëpritur.
Së fundmi, Bedri Nika nga Lidhja Demokratike e Kosovës, thotë se duhet të gjithë ta kenë të qartë se, Zyra e Presidentit është themeluar dhe ndërtuar nga LDK-ja.
Ai thotë se historia e Kosovës nuk njeh që Presidenti i Kosovës të jetë zgjedhur pa kaluar në duart e LDK-së.
“Të gjithë ata që në një mënyre apo në një tjetër kundërshtojnë që LDK-ja ta ketë Presidentin duhet ta kenë të qartë që, Zyra e Presidentit është themeluar e ndërtuar nga LDK-ja, dhe se nuk njeh historia e re politike në Kosovë që Presidenti i Kosovës të jetë zgjedhur pa kaluar nga duart e LDK-së. Çdo proces ka një histori. Historia përsërit vetveten në mënyrën e saj!”, thotë zyrtari i LDK-së, Bedri Nika.
