Edhe një ftesë nga Specialja - Kësaj radhe për asambleistin e AAK-së - Bota Sot
Edhe një ftesë nga Specialja - Kësaj radhe për asambleistin e AAK-së

Aktuale

Edhe një ftesë nga Specialja - Kësaj radhe për asambleistin e AAK-së

Më: 12 dhjetor 2019 Në ora: 00:36
Alush Shala

Asambleisti i AAK-së në Kuvendin Komunal të Prizrenit, Alush Shala është i ftuari i radhës nga Gjykata Speciale.

Lajmin e ka bërë publik vetë Shala përmes një njoftimi në Facebook, duke treguar edhe gatishmërinë për t’iu përgjigjur kësaj ftese.

“I dashur populli i Kosovës të respektuar bashkëluftëtar, ju njoftoj se para pak çastesh pranova ftesën si dëshmitar nga dhomat e specializuar në Hagë. Natyrisht që do i përgjigjëm pozitivisht kësaj ftese, edhe pse është e pa drejt. Rroftë UÇK-ja, lavdi Dëshmorëve dhe të gjithë të rënëve për lirinë e Kosovës”, ka shkruar Shala në njoftimin e tij për publikun.

Sot gjatë ditës edhe një tjetër ish-luftëtarë tjetër nga Prizreni, Zafir Berisha,  ka njoftuar se ka pranuar ftesë nga Gjykata Speciale.

Shfaq komentet
comments powered by Disqus
Sot mund të lexoni Shfletoni kopertinat