(E plotësuar) - Partia Socialdemokrate ka mbajtur sot mbledhje të Kuvendit, me ç'rast u votua për shpalljen e zgjedhjeve të jashtëzakonshme.
Fillimisht u votua që të rritet numri i anëtarëve të Këshillit Drejtues në 156, dhe më pas u propozuan dhe u votuan anëtarët e rinj të këtij organi të partisë. Në këtë organ u aplikua plotësisht edhe kuota gjinore e votuar më herët, 50:50.
Në pikën tjetër të rendit të ditës delegatët votuan për zgjedhjen e kryetarit. I propozuari Dardan Molliqaj, përmes votimit të fshehtë mori 83.7% të votave për, duke u zgjedhur kështu kryetar i PSD-së.
Falënderojmë delegatët për pjesëmarrjen në këtë proces. Ditëve në vijim do të bëhet edhe zgjedhja e strukturave tjera të partisë.
****
Dardan Molliqaj është zgjedhur kryetar i PSD-së.
Molliqaj ishte njëri nga pesë kandidatët të cilët i propozuan për të parin e partisë.
Molliqaj është zgjedhur me 83 për qind të votave nga 227 delegatë të pranishëm.
Nuk dihet se kush ishin katër personat e tjerë që kishin garuar për të udhëhequr PSD-në.
