Deputeti i zgjedhur i LDK-së, Shkëmb Manaj, i ka reaguar deputetit të VV-së, Haki Abazit për postimin e tij të mëhershëm ku deklaroi se LDK-së do i takonte posti i presidentit po t’i kishte fituar zgjedhjet e 6 tetorit.
Deputeti i VV-së kujtoi rastin e Ibrahim Rugovës në vitin 2001 LDK-së iu mori edhe postin e presidentit.
Ndërsa, Manaj shprehet se, ‘nëse Abazit, ju ka ba marak që ky kombinim të jetë model i ndarjes së përgjegjësive shtetërore tani, atëherë LDK e ka dhënë edhe këtë ofertë që LDK si partia e dytë ta marr Kryeministrin, ndërsa VV si partia e parë ta merr Presidentin dhe Kryetarin e Kuvendit’.
Ja shkrimi i tij në Facebook:
LDK në kohën e Ibrahim Rugovës në vitin 2001, si partia e parë ka pasur 47 deputetë, ndërsa partia e dytë (PDK) ka pasur 26 deputetë, 21 deputetë me pak se LDK.
Në këtë kohë, LDK ka udhëhequr Parlamentin dhe Presidencën, ndërsa Kryeministrin e ka pasur partia e dytë e cila i ka pasur 21 deputetë me pak se partia e parë.
Tani VV ka 29 deputetë si partia e parë dhe LDK ka 28 deputetë si partia e dytë, diferenca është vetëm 1 deputet.
Nëse z. Haki Abazi, ju ka ba marak që ky kombinim të jetë model i ndarjes së përgjegjësive shtetërore tani, atëherë LDK e ka dhënë edhe këtë ofertë që LDK si partia e dytë ta marr Kryeministrin, ndërsa VV si partia e parë ta merr Presidentin dhe Kryetarin e Kuvendit ( edhepse nuk i ka 47 deputetë sa i ka pasur LDK kur i ka pasur këto dy pozicione).
Nëse doni kështu, nesër e arrijmë këtë marrëveshje !