Para pak minutash është arrestuar njëri nga personat e dyshuar për kërcënimin e prokurores speciale, Drita Hajdari.
IO nga burimet e veta ka mësuar se i dyshuari është nga Prishtina.
Prokurorja Drita Hajdari ka marrë kërcënime serioze, e cila sot gjatë ditës është paraqitur në Polici.
Rastin e ka konfirmuar zëdhënësi i KP, Bajram Krasniqi. Ai ka thënë se rasti po trajtohet nga njësitë relevante policore, në bashkëpunim dhe koordinim me prokurorinë kompetente.
“Mund të konfirmojmë se e njëjta sot është paraqitur në stacion policor, për ta raportuar një rast, për të cilin është duke u intervistuar. Rasti do të trajtohet nga njësitet relevante policore, në bashkëpunim dhe koordinim me prokurorinë kompetente”, ka thënë Krasniqi.
Drita Hajdari kishte ngritur aktakuzën në rastin “Pronto”.
