Përplasje Meta-Matoshi-Latifi në emision, Meta thotë se VV po e vë Vjosën në pozita naive

Aktuale

Përplasje Meta-Matoshi-Latifi në emision, Meta thotë se VV po e vë Vjosën në pozita naive

Më: 13 janar 2020 Në ora: 21:22
Përplasje Meta-Matoshi-Latifi

Zyrtari i LDK’së, Bardhyl Meta, është përplasur në emisionin Pressing në T7 me analistët, Halil Matoshi dhe Blerim Latifi.

Meta ka thënë se VV kishte politikë që kërkonte të vinte LDK’në para akteve të kryera.

“Kishin premtuar se do e zgjidhnin Vjosa Osmanin kryeparlamentare. Po e qesin Vjosën në pozita naive”, ka thënë ai.

Ndërkohë këtu ka ndërhyrë Latifi.

“Ju ende po merreni se cka do të bëhet me Vjosën. Qytetarëve nuk ju intereson për fate personale por për formim të qeverisë. Vetë premtuat se do votonit VV’në para 26 dhjetorit. Jemi lodhur”, ka thënë Latifi.

“Ju keni dhjetë vjet në pozitë e nuk jeni lodhë”, tha Meta.

“Edhe ju nuk keni qenë më pak”, i ndërhyri Matoshi Metës.

“LDK ka qenë 13 vjet e gjysmë në pushtet”.

commentFirst article
Sot mund të lexoni Shfletoni kopertinat