Vetëvendosje i kthen përgjigje LDK-së: Nuk ka kthim para 26 dhjetorit

Aktuale

Vetëvendosje i kthen përgjigje LDK-së: Nuk ka kthim para 26 dhjetorit

Më: 15 janar 2020 Në ora: 20:57
Albin Kurti

Lëvizja Vetëvendosje i ka kthyer indirekt përgjigje LDK-së, për ofertën e fundit.

Nga kjo parti kanë theksuar se nuk do të ketë kthim para datēs 26 dhjetor kur Glauk Konjufca u zgjish kryetar Kuvendi.

Deputetja e Vetëvendosjes, Albulena Haxhiu, në Rubikon të KTV-së, ka theksuar se nuk ka kthim prapa.

“Ne nuk mund të kthehemi as para 6 tetorit, as para 26 dhjetorit. Për ne ishte e papranueshme qasja e tillë dhe rrjedhimisht nuk kemi pranuar të përzihej çështja e presidentit. Kanë qenë rrethana të tjera para zgjedhjeve. U përfshi çështja e presidentit atëherë sepse ne menduam një mandat tetëvjeçar. Sot po flasim për katërvjeçar. S’mund të flasim për situata para 6 tetorit”, ka thënë ajo.

Haxhiu ka thënë se arsye tjetër pse VV-ja ka refuzuar përfshirjen e postit të presidentit në marrëveshjen për bashkëqeverisje ishte se nuk mund “të jepeshin votat bllanko pa ditur një kandidat”.

Ndërsa deputet i Vetëvendosjes, Liburn Aliu ka thënë se kjo parti nuk është kundër që propozimi për president të jetë nga radhët e LDK-së. Megjithatë, ai ka thënë se atyre u duhet një emër para se të japin premtimin se do ta votojnë.

commentFirst article
Sot mund të lexoni Shfletoni kopertinat