Alban Krasniqi, anëtari i Lëvizjes Vetëvendosje, dhe bashkëshorti i deputetes Albulena Haxhiu, në një postimi në Facebook, i ka kujtuar momentin kur LDK-ja pati votuar Hashim Thaçin për president.
Ai në postimin e tij në Facebook, ka përmendur të bëmat e LDK-së përgjatë 20 viteve të fundit, si mbijetesën e PDK-së, zgjedhjen e Kadri Veselit si kryetar i Kuvendit, votimin e demarkacionit me Malin e zi e të tjera.
Postimi i plotë:
A ju kujtohet si iknin si minjtë nga publiku kur donin ta votonin Thaçin dhe si zgërdhiheshin kur sapo e zgjodhën?!
Dhe si po sillen sot ndaj mundësisë për ndryshim?!
Për çfarë vlerash, parimesh e krenarie na flasin soji i këtyre që vetëm kanë marrë e përfitu pa i dhënë as të vetmën gjë vendit të tyre dhe qytetarëve?!
Në fakt i kanë dhënë shumë Kosovës.
Ja se çka i ka dhënë LDK Kosovës për 20 vite:
Mirëmbajtje të modelit PRONTO qeverisje
Kadrinë kryeparlamentar
Thaçin president
Mbijetesën e PDKsë
8200 hektarë minus
Marrëveshje nënshtruese me Serbinë
Terminale
Rehatime e tenderë familjarëve të tyre
Profil politikanësh të ish sistemit dhe të rinjë të katapultuar pa trohë kontributi qytetar
Ikje masive në Evropë
Lista vazhdon...
E çka fituan votuesit e saj:
Para secilave zgjedhje syretin e Rugovës, listën e vrasjeve politike me akuza
Pas zgjedhjeve: Koalicion me ata që i akuzonin dhe hajni, varfëri, ikje
Ashtu siç e shohin me mendjen e tyre të sëmurë Agimi, Llumiri, Dulla, Isa, Luta e kuca e maca qytetarin dhe lëvizjen edhe më ulët e shohin dhe trajtojnë votuesin e LDK-së, i cili vazhdon të mashtrohet derisa ndryshimi vonohet.
