Kryeministri në detyrë, Ramush Haradinaj, ka folur për padinë për shpifje që shtroi ndaj tij kryeministri shqiptar, Edi Rama.
Haradinaj thotë se nuk e kishte pritur.
‘’Padia ndaj meje ishte përtej parshikimeve të mia. Nuk e kam lexu shkresën e tij, e di se cka e ka shty. Cdo deklaratë që e kam bërë, është e saktë dhe u qëndroj mbrapa. Ka edhe më shumë, por e kam kursy kombin. Di ende detaje rreth angazhimit të tij, ka thënë Haradinaj sonte në ‘Çim Peka live’.
‘’Përvoja ime me Ramën ka qenë jo e mirë’’.
Kujtojmë që Rama e kishte paditur Haradinajn për shpifje, pasi ky i fundii e kishte akuzuar se bashkë me Hashim Thaçin dhe Aleksandër Vuçiq duan ta ndajnë Kosovën.