Sulmet ndaj Lidhjes Demokratike të Kosovës, dhe zhbërja e këtij subjekti politik po bëhen për shkak të kaluarës shtetndërtuese mbi bazat e kulturës autoktone kombëtare.
Kështu po vlerëson analisti politik, Arbër Gashi, i cili shton se, zhbërja e LDK-së është interes i Moskës, Athinës, Beogradit dhe Ankarasë.
Ai shton se, nuk është rastësie që këtij synimi janë duke i shërbyer edhe Bashkësia Islame dhe Kisha Ortodokse.
Postimi i plotë:
LDK-në po e sulmojnë për shkak të së kaluarës shtetndërtuese mbi bazat e kulturës autoktone kombëtare. Zhbërja e këtij subjekti është interes i Moskës, Athinës, Beogradit, Ankarasë dhe puthadorëve të këtyre qendrave antishqiptare e antieuropiane. Andaj, nuk është kurrfarë rastësie që këtij synimi antikombëtar janë duke i shërbyer me të gjitha mjetet në dispozicion edhe Bashkësia Islame dhe Kisha Ortodokse. E kanë bërë në të kaluarën dhe po e bëjnë edhe sot.