Zyrtari për Informim në Lëvizjen Vetëvendosje Arlind Manxhuka, ka thënë se kjo parti dhe Lidhja Demokratike e Kosovës, po përballen me pengesat që i ka vendosur shteti i kapur.
Ai ka thënë se do të ishte naivitet po të mendohej se me lehtësi do të bëhej koalicioni e pastaj do të ndodhte përballja me ata që kanë kapur shtetin, përcjell Bota sot.
Manxhuka e ka quajtur këtë “parasfidë”. Reagimi i tij vie pas kritikave ndaj Albin Kurtit, i cili kishte deklaruar se brenda dy ditëve do të formonte koalicionin me LDK-në, pas fitores në zgjedhjet e 6 tetorit.
Postimi i plotë i Manxhukës në Facebook:
Në instancë të fundit ky koalicion po përballet me pengesat që t'i vendosë një shtet i kapur. Do të ishte naivitet po të mendohej se me lehtësi do të bëhej koalicioni e pastaj do të përballeshim me ata që kanë kapur shtetin. Kjo është parasfida. Meqenëse popullin nuk e ndalen dot me 6 tetor, kjo është përpjekja tjetër.