(E plotësuar) - Presidenti i vendit, Hashim Thaçi e ka pritur të dielën në takim ish-ambasadorin e Misionit të OSBE-së në Kosovë, William Walker. Ky i fundit edhe një herë ka bërë thirrje që sa më shpejt të formohen institucionet e vendit, ku edhe ka kërkuar që Thaçi të shkoj në pushim, pasi tashmë ai është thinjur.
Miku i Kosovës ka theksuar se është krenar për Kosovën.
Në lidhje me këtë, kreu i vendit tha se interesimi i Walker për ndërtimin e institucioneve të reja është legjitim.
Thaçi: Walker është edhe kritik ndaj neve që jemi në politikë
"Edhe një herë faleminderit shumë ambasadorit Walker për gjithçka që po bën për Kosovën. Nganjëherë është edhe kritik ndaj neve që jemi në politikë, por gjithmonë këto kritika kanë qenë të mirëseardhura për t'u përmirësuar edhe unë personalisht që edhe kur na ka kritikuar e kemi dashur e kemi respektuar punën dhe angazhimin e Walker sepse dëshiron që ta sheh Kosovën sa më shpejt përpara dhe të mirë të jetë e konsiliduar", tha Thaçi.
Pas takimit që pati me Thaçin, Walker tha se Kosova për këto 20 vjet po zhvillohet dhe është krenar për atë se çfarë ka bërë për vendin. Megjithatë, sipas tij, Kosova ka humbur shumë ditë pa formimin e Qeverisë së re.
Walker: Kosovës i duhet një qeveri
“Unë mendoj që Kosovës i duhet një qeveri, ju i keni humbur 100 ditë, sot është dita e 101 apo 102, po shpresoj që nuk do të zgjasë edhe shumë çështja e formimit të qeverisë, dhe Kosova të kthehet në rrugën e progresit, atë që të gjithë në Kosovë e duan , dhe ajo cila është më e rëndësishme të jetë një vend i suksesshëm në Evropën Qendrore”, tha Walker.
Krahas kësaj, gjatë qëndrimit të tij në Kosovë në shënimin e 21 vjetorit të masakrës së Reçakut, ishte raportuar se Walker nuk ia ka zgjatur dorën Thaçit, por një lajm të tillë e ka demantuar ish-ambasadori i OSBE-së.
Walker: Jepni pushim këtij burri, ai është thinjur
“Të ju jepni këtyre burrave një pushim, ai është bërë gogja i qetë, i thinjur, mirëpo edhe me një pamje më të hijëshme, kështu që jepuni një pushim dhe ju lutem mos i merrni gjërat siç u morën në një kafe në Shtime, kur unë isha duke ia dhënë një libër dhe isha duke i treguar një temë të rëndësishme nga libri, dhe dukshëm kur ishim duke e shikuar librin nga prapa, një gazetar mendoi se kjo paraqet diçka shumë domethënëse se nuk ia kam zgjatur dorën presidentit, kështu që nëse nuk e ke problem do ta zgjas dorën edhe një herë”, u shpreh ai.
Walker i cili po qëndron në Kosovë në shënimin e 21 vjetorit të masakrës së Reçakut, gjatë këtyre ditëve ka pasur takim edhe me kreun e Lëvizjen e Vetëvendosje, dhe atë të Lidhjes Demokratike të Kosovës, nga ku ka kërkuar që sa më shpejt të formohen institucionet.
***
Presidenti i Kosovës, Hashim Thaçi ka pritur ish-shefin e Misionit të OSBE-së në Kosovë, ambasadorin William Walker, i cili edhe një herë ka kërkuar që sa më shpejt të formohet Qeveria e re e Kosovës.
Pas takimit Thaçi edhe një herë ka falënderuar ambasadorit Walker për gjithçka që po bën për Kosovën.
"Edhe një herë faleminderit shumë ambasadorit Walker për gjithçka që po bën për Kosovën. Nganjëherë është edhe kritik ndaj neve që jemi në politikë, por gjithmonë këto kritika kanë qenë të mirëseardhura për t'u përmirësuar edhe unë madje personalisht që edhe kur na ka kritikuar e kemi dashur, e kemi respektuar punën dhe angazhimin e Walker, sepse dëshiron që ta sheh Kosovën sa më shpejt përpara dhe të jetë e konsoliduar", tha Thaçi.
Kurse, ambasadori Walker edhe një herë ka përsëritur se sa më shpejt duhet të formohen institucionet.
Ish-shefi i misionit të OSBE-së tha se është krenar për Kosovën e sotme.
***
Ish-ambasadori OSBE-së në Kosovë, William Walker, pas takimit që ka zhvilluar me Presidentin e vendit, Hashim Thaçin, ka bërë një prononcim para gazetarëve.
Ai ka kërkuar nga partitë politike që sa më shpejt ta formojnë Qeverinë në mënyrë që t’i japin një pushim Presidentit Thaçi.
***
Presidenti i vendit, Hashim Thaçi, sot po pret në takim ish-shefin e Misionit të OSBE-së në Kosovë, ambasadorin William Walker.
Ai tashmë është duke pirë kafe me Thaçin.
Walkër po qëndron në Kosovë në shënimin e 21 vjetorit të masakrës së Reçakut.
