Thaçi takon kryeministrin kroat, pret që presidenca e Kroacisë në BE t’i liberalizojë vizat - Bota Sot
Thaçi takon kryeministrin kroat, pret që presidenca e Kroacisë në BE t’i liberalizojë vizat

Aktuale

Thaçi takon kryeministrin kroat, pret që presidenca e Kroacisë në BE t’i liberalizojë vizat

Më: 21 janar 2020 Në ora: 11:13
Hashim Thaçi dhe Andrej Plenkoviq

Presidenti i Kosovës, Hashim Thaçi, ka takuar kryeministrin e Kroacisë, Andrej Plenkoviq.

Presidenti i Kosovës, Hashim Thaçi, i cili po merr pjesë në Forumin Ekonomik Botëror në Davos, është takuar me kryeministrin e Kroacisë, Andrej Plenkoviq.

Përmes një postimi në profilin e tij zyrtar në rrjetin social Facebook, Thaçi, ka bërë të ditur se me kryeministrin kroat, Plenkoviq, kanë diskutuar edhe për liberalizimin e vizave.

Thaçi ia ka bërë të ditur kryeministrit Plenkoviq, se Kosova pret që të marrë vendimin për liberalizimin e vizave nga BE-ja, gjatë kohës sa Kroacia do të udhëheq Presidencën e Bashkimit Evropian.

Postimi i plotë i presidentit Thaçi pa ndërhyrje:

Në kuadër të Forumit Ekonomik Botëror në Davos takova Kryeministrin e Kroacisë, Andrej Plenković.

Ne diskutuam për marrëdhëniet e shkëlqyera bilaterale dhe partneritetin strategjik në mes të Kosovës dhe Kroacisë.

Kosova pret që gjatë Presidencës së Kroacisë në Bashkimin Evropian të merret vendimi i merituar për liberalizimin e vizave për qytetarët tanë. 

Shfaq komentet
comments powered by Disqus
Sot mund të lexoni Shfletoni kopertinat