(E plotësuar) - Janë bërë dy orë prej që ka nisur mbledhja e Kryesisë së Lidhjes Demokratike të Kosovës.
Kryetari Isa Mustafa me anëtarët e kryesisë po diskutojnë rreth mundësisë së koalicionit me Lëvizjen Vetëvendosje.
Në takim është parë një atmosferë e mirë ndërsa pas mbledhjes pritet të mbahet edhe konferenca për media e kryetarit Mustafa.
Nuk dihet nëse anëtarët e kryesisë kanë marrë vendim përfundimtar rreth koalicionit me VV-në, apo do të takohen sërish për të vendosur.
LDK del më një njoftim të rëndësishëm, publikon fotografi nga mbledhja e Kryesisë
Lidhja Demokratike e Kosovës në këto momente është duke mbajtur mbledhjen e Kryesisë, për të marrë një vendim rreth koalicionit me Lëvizjen Vetëvendosje.
Përmes një shkrimi në llogarinë zyrtare të LDK-së në Facebook, teksa kanë shpërndarë foto nga mbledhja kanë bërë të ditur se pas përfundimit të saj do të flasë Mustafa.
“Duke ndodhur tani: mbledhja e Kryesisë së LDK-së e kryesuar nga kryetari, Isa Mustafa. Pas mbledhjes LDK mban konferencë për medie”, shkruhet në njoftim.