Aleanca për Ardhmërinë e Kosovës, përmes një njoftimi të bërë për media ka njoftuar se sekretari i përgjithshëm i AAK-së, Besnik Tahiri, ka pritur sot në një takim delegacionin e Misionit Evropian për Vëzhgimin e Zgjedhjeve.
Në njoftimin e bërë për media thuhet se, në këtë takim Delegacioni i BE-së dorëzoi Raportin Përfundimtar për Zgjedhjet e Parakohshme Parlamentare në Kosovë, dhe u diskutua për rekomandimet prioritare të raportit, duke përfshirë edhe ndryshimin e Ligjit të Zgjedhjeve dhe rritjen e efikasitetit të procedurave pas zgjedhore.
Tutje në njoftim thuhet se AAK mbetet e përkushtuar për reformë zgjedhore gjithëpërfshirëse dhe fuqizim të parimeve demokratike në vend.
