Presidenti i Kosovës, Hashim Thaçi në një postim në rrjetin social Twitter, ka shkruar se Kosova është e gatshme të dërgojë ndihmë të menjëhershme operative pas tërmetit që goditi Turqinë.
“Zemrat tona u drejtohen familjeve të viktimave dhe atyre të plagosur nga tërmeti që goditi #Elazig. #Kosova është e gatshme të dërgojë ndihmë të menjëhershme operative, pasi qëndrojmë pranë njerëzve dhe Qeverisë së #Turqisë në këto momente tragjike”, shkroi Thaçi në Twitter.
Një tërmet i fuqishëm ka goditur Turqinë dy orë më parë, duke lënë të vdekur 6 persona dhe duke shkatërruar shumë godina.
Tërmeti është ndjerë në shumë provinca tjera dhe në vendet fqinje. Skuadrat ndihmëse kanë reaguar menjëherë dhe janë duke i ndihmuar qytetetarët.
