(E plotësuar) - Seanca e Kuvendit të Kosovës, në të cilën pritet të votohet ekzekutivi i ri, ka nisur me betimin e deputetëve të cilët nuk ishin prezent në seancën e parë të këtij legjislativi.
Dhe menjëherë, Glauk Konjufca i cili u zgjodh kryetar i Kuvendit në seancën e 26 dhjetorit, deklaroi se udhëheqjen e seancës ia kalon bashkëpartiakës së tij, nënkryetares së Kuvendit, Arbërie Nagavci.
Seanca nisi me 103 deputetë të pranishëm në sallë.
Konjufca: Ia kaloj Arbërie Nagavcit udhëheqjen e seancës së sotme të Kuvendit
“E ftoj kandidatin për kryeministër të Kosovës Albin Kurtin që para deputetëve ta paraqet përbërjen e qeverisë për miratim, dhe prej këtij momenti unë si kryetar i Kuvendit ia kaloi fjalën që të udhëheq këtë seancë të Kuvendit, nënkryetares së Kuvendit, Arbërie Nagavci”, tha Konjufca.
Në këtë seancë u betuan Uran Ismaili, Abelard Tahiri, Pal Lekaj, Famtir Limaj, Enver Hoxhaj, Begjet Pacolli, Endrit Shala e Kujtim Gashi.
***
Glauk Konjufca është tërhequr nga pozita e kryeparlamentarit.
Pas betimit të 9 deputetëve, kur edhe ka thirrur që të hap seancën kreun e LV-së, Albin Kurtin, Glauk Konjufca ja ka kaluar udhëheqjen e seancës nënkryetares së Kuvendit, Arberie Nagavcit.
“Prej këtij momenti ja kaloj fjalën që ta udhëheq këtë seancë nënkryetares së Kuvendit Arbërie Nagavcit”, ka thënë ai.