Shefi i Grupit Parlamentar të PDK-së, Bedri Hamza, e ka treguar edhe një herë qëndrimin e partisë së tij për mosvotimin e qeverisë së re.
Shefi i Grupit Parlamentar të Partisë Demokratike të Kosovës (PDK), Bedri Hamza, ka bërë të ditur se partia e tij nuk do ta votojë “Qeverinë Kurti”.
Ai ka thënë se deputetët dhe partia e tij është e përgatitur për të gjitha diskutimit.
Ai po ashtu, pas leximit të planit qeverisës së Kurtit për qeverisjen 4-vjeçare, ka thënë se e tërë ekspozeja është një gënjeshtër.
“PDK-ja e ka qëndrimin e saj se si do të votojë, mua personalisht dhe të gjithë deputetëve të tjerë është pabesia në ekspozenë që u thanë. Premtimet që u thanë janë të paarritshme. Këtë mund ta thotë çdo ekonomist qoftë ai në sallë, brenda LVV-së apo edhe jashtë. Është e pamundur që me një buxhet prej 3 miliardësh të arrihen të gjitha ato që u thanë”, ka thënë Hamza.