Presidentit nuk i është dërguar ftesë për pjesëmarrje në seancën e votimit të Qeverisë.
Në këtë seancë është parë tek mysafirët vetëm një këshilltar i presidentit Thaçi, i cili ka qëndruar vazhdimisht në këmbë.
Nga burime të Klan Kosovës brenda Zyrës së Presidencës, mësohet se Protokolli i Kuvendit i ka dërguar vetëm një e-mail Protokollit të Presidencës, rreth 5 minuta para nisjes së seancës së sotme.
Ndryshe në të kaluarën në momentet e para që është caktuar seanca për votimin e qeverisë, ftesë zyrtare i është dërguar gjithmonë presidentit të vendit, që si kreu i shtetit me interes të veçantë të jetë prezent gjatë seancës.