Zyrtari i Nismës Socialdemokrate, Vllaznim Krasniqi i cili eskaloi me fjalë fyese ndaj aktorit të mirënjohur Çun Lajçi, e ka fshirë postimin e tij në Facebook, por e ka shkruar një tjetër ku prapë nuk zmbrapset ndaj Lajçit.
Lajçi e kishte kritikuar ashpër liderin e Nismës, Fatmir Limajn pasi ky i fundit kishte thënë se nuk bëhet shteti duke lexuar libra, në ditën e formimit të Qeverisë, e që i ishte drejtuar kryeministrit të Kosovës, Albin Kurti.
Pas kësaj deklarate të Lajçit kishte reaguar ashpër Krasniqi, i cili ia kishte përmendur vdekjen e vajzës Çun Lajçit.
Por, Krasniqi e kishte fshirë këtë postim me kërkesë të një ushtari të UÇK-së, Rexhep Shehit.
“Me kërkesën e BASHKELUFTETARIT te KOMANDANT ÇELIKUT Rexhep Shehi, ndihem i OBLIGUAR ta heq POSTIMIN drejtuar ÇUN LAJQIT!
Pra ja ku ÇENDRON MADHESHTIA e nje ÇLIRIMTARI, siq eshte REXHEP SHEHI, DURIMI, FALJA dhe TOLERANCA!
RESPEKT PA MASE REXHEP SHEHU!”, ka shkruar Krasniqi në Facebook, derisa e ka postuar edhe një fotografi të komentit të Shehit.
Gazeta “Bota sot”, e kishte ruajtur postimin e Krasniqit ku e fyente Lajçin.
“Me keqardheje, por duhet t'ia RIKUJTOJME Çunit se si
Vajza e tij VDIQ!
Pra, nje PRIND si ÇUN LAJQI qe femija i vdes nga MBIDOZA e COCAINES, ashiqare tregon DESHTIMIN e tij si PRIND!
ÇUNO, nuk po ta zejme per te MADHE, kush e di se ne ndikimin e cilave SUBSANCAVE vjelle edhe ti tani!
Baca ÇUN, vec kujdes nga MBIDOZA mixhok!”, kishte shkruar Vllaznim Krasniqi në Facebook.
