Valentina Bunjaku-Rexhepi, deputete nga Lidhja Demokratike e Kosovës, ka konfirmuar se ndërtimi i autostradës Gjilan-Prishtinë, nuk do të ndalen.
Bunjaku-Rexhepi ka thënë se do të ndalen keqpërdorimet e mundshme, dyshimet për tenderë dhe do të hetohet për ndikimin e figurave të ish-Qeverisë në këtë investim, përcjell Bota sot.
Ajo ka kërkuar nga qytetarët e Gjilanit që të rrinë të qetë, pasi ministri i Infrastrukturës Lumir Abdixhiku, e ka fokus këtë komunë.
Postimi i deputetes në Facebook:
Autostrada Gjilan-Prishtinë nuk ndalet, por ndalen keqpërdorimet e mundshme, dyshimet për tenderë, kërkohet transparencë për të angazhuarit në ndërtim dhe për të hetuar ndikimin e figurave të ish-Qeverisë në këtë investim. Prandaj, e mbështesim ministrin Lumir Abdixhikun!
Rrini të qetë sepse ne do të mbikqyrim çdo punë dhe investim që do të bëhet kudo në Anamoravë dhe qeveria e re e ministri Abdixhiku e kanë në fokus Gjilanin.Andaj autostrada do bëhet por do ndalen keqpërdorimet dhe mbikëqyret rreptë cilësia e punimeve!
