Kryeministri i Republikës së Kosovës, Albin Kurti e ka komentuar taskin 100% ndaj produkteve serbe.
Kurti përmes një postimi në Facebook, shkruan se, tarifa 100% do të hiqet ndaj mallrave serbe dhe do të zëvendësohet me parimin e reciprocitetit.
Sipas tij, tarifa hiqet dhe zëvendësohet me reciprocitet.
Kurti tregon se, shumë shpejt do të përgatitën Doganat e Kosovës për këtë.
Ai pret nga Serbia që të deklarohet se ka vullnet për ndaljen e fushatës për çnjohjet ndaj pavarësisë së Kosovës.
“Tarifa 100% ndaj mallrave të Serbisë do të zëvendësohet me parimin e reciprocitetit. Tarifa 100% hiqet porsa të vendoset reciprociteti. Shumë shpejt fillojmë t’i përgatisim Doganat e Kosovës për këtë. Si Kryeministër i Republikës së Kosovës e kam shprehur vullnetin që ta heqim tarifën 100%. Pres që Serbia të deklarohet se ka vullnet për ndaljen e fushatës për çnjohjet e pavarësisë së Kosovës”, shkruan Albin Kurti në Facebook, përcjell gazeta “Bota sot”.