Me 15 mars të këtij viti do të mbahen zgjedhjet në Komunën e Podujevës, pasi kryetari i kësaj komune tashmë është ministër i Punëve të Brendshme të Kosovës.
E zgjedhjet në këtë komunë, buxhetit të shtetit do t’i kushtojë rreth 500 mijë euro, përcjell Bota sot.
Kjo është bërë e ditur nga hulumtuesi nga KDI, Eugen Cakolli, i cili përmes një postimi në llogarinë e tij në Facebook, ka thënë se fushata zgjedhorë do të fillojë me 3 mars dhe do të zgjasë 11 ditë.
Postimi i tij i plotë në Facebook:
Zgjedhjet e jashtëzakonshme për Kryetar të Komunës së Podujevës që do të mbahen më 15 mars, do t’i kushtojnë buxhetit të shtetit rreth 500 mijë euro.
Fushata zgjedhore për të parin e Podujevës do të zgjasë 11 ditë, duke filluar nga 3 deri më 13 mars.