Kryeministri i ri i qeverisë, Albin Kurti, për herë të parë ka kërkuar publikisht koordinim me shefin e shtetit në fushën e politikës së jashtme.
E lidhur me këtë ka reaguar edhe ish-ministri i Punëve të Jashtme, Behgjet Pacolli.
Ai ka mirëpritur deklaratat e kryeministrit aktual, Albin Kurti, për koordinim me Presidentin Hashim Thaçi në politikën e jashtme.
Sipas kreut të AKR-së, mungesa e harmonizimit të veprimeve në të kaluarën, e kanë dëmtuar dhe vështirësuar politikën e jashtme të Kosovës.
Ja shkrimi i tij:
Deklarata e Kryeministrit të Kosovës, për koordinim të politikës së jashtme me akterët kryesorë institucional është shumë e drejtë dhe e nevojshme. Në vitet e kaluara jam përballur drejtëpërsëdrejti me fenomenin e mungesës së harmonizimit të veprimeve dhe deklaratave që e kanë dëmtuar dhe vështirësuar politikën e jashtme të Kosovës.
Nuk mund të vazhdohet me moskoordinim, duhet të harmonizohen dhe koordinohen të gjitha veprimet mes akterëve.