Pas raportimeve se do të jetë kandidat për kryetar të Podujevës, reagon Driton Hyseni - Bota Sot
Pas raportimeve se do të jetë kandidat për kryetar të Podujevës, reagon Driton Hyseni

Aktuale

Pas raportimeve se do të jetë kandidat për kryetar të Podujevës, reagon Driton Hyseni

Më: 10 shkurt 2020 Në ora: 19:08
Driton Hysenit

Gjatë ditës së sotme, në një media u raportua se Driton Hyseni, do të jetë kandidat për kryetar të Podujevës, nga radhët e Lëvizjes Vetëvendosje.

Mirëpo, një raportim të tillë e ka mohuar vetë Hyseni. Përmes një reagimi në rrjetet sociale, Hyseni ka thënë se ky lajm është i pavërtetë, teksa ka kërkuar nga mediat që para se të publikojnë këso artikujsh, ta kontaktojnë atë për ta marrur konfirmimin.

Hyseni përmes reagimit ka treguar se është i gatshëm që në cfarëdo rrethane ta jap maksimumin e tij për të mirën e qytetarëve llapjanë.

Reagimi i plotë i Driton Hysenit:

Reagim,

Raportimet pa asnjë konfirmim nuk na bëjnë nder askujt. Mendoj se fillimisht duhet të merrni informacionin e saktë dhe pastaj ta publikoni! Një pjesë e madhe e mediave e dini mirë se jam i qasshëm dhe shumë i përgjegjshëm ndaj jush, sidomos në detyrën që kryej momentalisht.

Unë jam Llapjan dhe në çfarëdo rrethane do të jap maksimumin tim për bashkëvendasit e mi, kudo që jam e në qfarëdo pozicioni që mund të ma besoj shoqëria, por lajmi i kandidimit për zgjedhjet e 15 marsit është i pavërtetë.

Qyetarët Llapjanë meritojnë qasje serioze nga të gjithë, e poashtu edhe nga mediat.

Si gjithmonë, shumë sinqerisht

Shfaq komentet
comments powered by Disqus
Sot mund të lexoni Shfletoni kopertinat