Gent Cakaj lobon për njohjen e Kosovës - Bota Sot
Gent Cakaj lobon për njohjen e Kosovës

Aktuale

Gent Cakaj lobon për njohjen e Kosovës

Më: 14 shkurt 2020 Në ora: 13:15
Pamje nga takimi

Ministri në Detyrë për Evropën dhe Punët e Jashtme, Gent Cakaj, ndodhet në Gjermani, për të ndjekur punimet e Konferencës së Sigurisë së Mynihut.

Pak para nisjes së kësaj Konference, Ministri në Detyrë Cakaj zhvilloi një takim me Ministrin e Jashtëm të Omanit, Yusuf bin Alawi bin Abdullah.

Në takim, Kreu i Diplomacisë Shqiptare ka falënderuar homologun e tij për mbështetjen e dhënë në njohjen e pavarësisë së Republikës së Kosovës.

Të dy Ministrat janë dakordësuar për një veprim të mëtejmë të përbashkët për të lobuar për njohjen e Kosovës edhe nga shtete të tjera.

Nëpërmjet një reagimi në facebook sa i përket takimit të zhvilluar, Cakaj theksoi: “Po ashtu, folëm për finalizimin e një varg marrëveshjesh dypalëshe për të shtuar konsultimet diplomatike dhe rritur ndërveprimet ekonomike.”

Shfaq komentet
comments powered by Disqus
Sot mund të lexoni Shfletoni kopertinat