Avokati shqiptar Spartak Ngjela, ka komentuar për pjesëmarrjen e kryeministrit të Kosovës Albin Kurtit, në Konferencën e Sigurisë në Mynih të Gjermanisë.
Ngjela ka thënë se Kurti është kryeministri i parë i Kosovës, që i thotë hapur dhe politikisht presidentit serb se ata janë të “mundur në një luftë në të cilën është çliruar Kosova prej Serbisë”.
Sipas Ngjelës, Aleksandar Vuçiq kishte kërkuar që si i mundur në luftë, t’i kërkojë fitimtarit mohimin e fitores, përcjell Bota sot.
Por, avokati shqiptar ka theksuar se shqiptarët kanë gjetur më një fund një kryeministër që e diskreditoi me logjikë elokuente karakterin mesjetar të presidentit serb Vuçiq.
Postimi i plotë i Ngjelës në Facebook:
Albin Kurti është i pari kryeministër i Kosovës që i thotë hapur dhe politikisht presidentit serb se: ju jeni të mundur në një luftë në të cilën është çliruar Kosova prej Serbisë.
Ku është parë në histori që i munduri në luftë t'i kërkojë fitimtarit mohimin e fitores?(!) Këtë ka kërkuar të bëjë Vuçiq me sejmenët shqiptarë.
Në fakt kjo është psikologjia agresive fashiste e pushtuesit të territoreve.
Shqiptarët gjetën më në fund një zë kryeministror që e diskreditoi me logjikë elokuente karakterin mesjetar të presidentit serb Vuçiq.
Në fakt, këtu duhet të fillojë politika shqiptare, nëse kryeministrat shqiptarë nuk janë të shitur.