Kryetari i Organizatës së Veteranëve të Luftës së UÇK-së, Hysni Gucati përmes një postimi i ka reaguar deputetes së LVV-së, Fatmire Mulhaxha Kollçaku që mbrëmë përmes një statusi kishte përmendur dosjet kriminale të UÇK-së.
Gucati në postimin e tij tha se mëkat që ende ka njerëz edhe sot që mundohen ta njollosin luftën e UÇK-së.
Ai i bëri thirrje deputetës së LVV-së që të mbledh dosjet kriminale të UÇK-së nëse i posedon dhe t’i dorëzoj në gjykatë.
Postimi i plotë i Hysni Gucatit:
Është një mëkat i madh kur edhe sot ka njerëz të tillë që mundohen ta njellosin luftën e drejt të Ushtrisë Çlirimtare të Kosovës, nese këta njerëz mendojn që UÇK-ja ka kryer krime le bëhen dëshmitar nëpër gjygje kunder luftëtarëve të cilët sollën lirinë, fal luftës së UÇK-së që solli pavarsinë e Kosovës sot ne kemi shtetin dhe institutcionet tona si parlamentin e Kosovës ku deputetja në fjalë Fatmire Mulhaxha -Kollçaku, Zonja e cila ka siguruar një ulse në kuvendin e Kosovës dhe subjekti i saj partiak që gjenden në krye të shtetit mos të mendojn se do munden të ofendojne, shajnë dhe ta njëllosin luftën e drejt të UÇK-së, mos të mendojn se historia e Kosoves ka filluar me ta. Të gjithë ne jemi krenar me Ushtrinë Çlirimtare të Kosovës, ishte pjesa me e mirë e historisë së Kosoves lufta e Ushtrisë Çlirimtare të Kosovës. Si përfaqësues i Organizates së Veteranëve të Luftës së Ushtrisë Çlirimtare të Kosovës i bëj thirrje Fatmires që t’i mbledh dosjet për krimet e UÇK-së nëse posedon, dhe t’i dorzojë në Gjykatë!
