Ministri i Infrastrukturës dhe Ambientit, Lumir Abdixhiku, sot priti në takim ambasadoren e Finlandës në Kosovë, Pia Stjernvall.
Abdixhiku dhe Stjernvall diskutuan për mundësitë e përfitimit të Kosovës nga praktikat e mira të shtetit finlandez, sidomos në fushën e mbrojtjes së mjedisit.
Duke e përgëzuar për marrjen e detyrës, ambasadorja shfaqi gatishmërinë e shtetit të saj për t’i ofruar të gjithë ndihmën e nevojshme, Ministrisë së Infrastrukturës dhe Ambientit rreth implementimit të projekteve të parapara nga qeverisja e tanishme.
