Kryetarja e Kuvendit të Kosovës, Vjosa Osmani priti sot në takim ministrin e Jashtëm të Shqipërisë, Gent Cakaj.
Osmani tha se bashkëpunimi ndërparlamentar e ndërinstitucional; bashkërendimi në politikën e jashtme; promovimi i mëtejmë i subjektivitetit ndërkombëtar të Kosovës, nisma të reja për anëtarësimin e Kosovës në organizata ndërkombëtarë, kujdesi ndaj Luginës si dhe trajtimi i kujdesshëm i diasporës, janë preokupimi i përbashkët dhe i përhershëm i Kosovës dhe Shqipërisë.
Osmani shtoi se ky vullnet u dëshmua edhe në takimin e sotëm me Cakajn.
Postimi i plotë:
Bashkëpunimi ndërparlamentar e ndërinstitucional; bashkërendimi në politikën e jashtme; promovimi i mëtejmë i subjektivitetit ndërkombëtar të Kosovës, nisma të reja për anëtarësim të Kosovës në organizata ndërkombëtare, kujdesi ndaj Medvegjës, Bujanocit e Preshevës, si dhe trajtimi i kujdesshëm i diasporës, janë preokupim i përbashkët dhe i përhershëm i vendeve tona. Ky vullnet u dëshmua edhe në takimin e sotëm me ministrin në detyrë për Evropë dhe Politikën e Jashtme të Shqipërisë, z. Gent Cakajn.
