Ambasadori i SHBA-së në Kosovë, Philip Kosnett, ka mbajtur takime me liderët e institucioneve të Kosovës.
Përmes një njoftimi në Facebook nga Ambasada Amerikane, gjatë këtyre takimeve, Kosnett ka thënë se duhet të hiqet taksa e vendosur nga Kosova, përcjell Bota sot.
Sipas njoftimit, Kosnett u takua me Ministrin e Punëve të Brendshme, Agim Veliun. Me kryeministrin Albin Kurt, kryeparlamentaren Vjosa Osmani dhe zëvendëskryeministrat Hoti dhe Abazi si dhe me Ministrin e Punëve të Jashtme, Glauk Konjufcën.
“Kosnett do të takohet edhe me ministrat tjerë. Ai po vazhdon takimet e rregullta edhe me partitë opozitare. Në të gjitha këto takime, si në takimet e tij të rregullta me kryeministrin Kurti, ambasadori Kosnett flet për rëndësinë e marrëdhënieve së SHBA me Kosovën, me fokus në avancimin e synimeve tona të ndërsjella për të siguruar paqen, drejtësinë dhe prosperitetin, si dhe përfitimet ekonomike që vijnë duke eleminuar menjëherë tarifat”, shkruhet në këtë njoftim.