Ish-kryeministri i Kosovës, Ramush Haradinaj,ka pritur në takim ambasadorin e SHBA-ve Z. Philip Kosnett, transmeton “Bota sot”.
Haradinaj shkroi që kanë diskutuar për dialogun mes Kosovës dhe Serbisë duke patur përsëri Kosova mbështetjen e SHBA-ve.
Postimi i plotë:
Prita në takim Ambasadorin e SHBA-ve Z. Philip Kosnett ku diskutuam për vizitën time ne SHBA dhe takimet atje.
Ambasadorit Kosnett i thash se është i mirëseardhur dhe i nevojshëm aktivizimi i SHBA-ve në dialog. Shtetet e Bashkuara nuk duhet të barazojnë Kosovën me Serbinë si palë sepse orientimet tona në politikë të jashtme kanë kahje të kundërta. Përderisa Kosova stoikisht qëndron prapa SHBA-ve në të gjitha sfidat globale, Serbia vazhdon që të jetë sateliti dhe arma kryesore e Rusisë në Evropë.
I paraqita Ambasadorit Kosnett nevojën për marrëveshjen finale që rezulton në njohje reciproke në kufijtë ekzistues dhe kjo duhet të përmbyllet sa më shpejtë.
RH
