(E plotësuar) - Ministrja e Drejtësisë, Albulena Haxhiu, ka bërë të ditur se ka anuluar provimin e kontestuar të noterisë, që ka mbetur në gjysmë nga qeveria e kaluar. Ajo e ka quajtur proces të komprometuar, duke thënë se do të hapët sërish konkursi.
“Anulimi i këtij vendimi tregon se drejtësia do të udhëhiqet mbi parimin e ligjshmërisë” , ka thënë ministrja e Drjtësisë.
“Unë kam të drejtë të anulojë cdo akt, anulimi i së cilës është në interes të së mirës së përgjithshme”, ka thënë Haxhiu.
Në një konferencë për media ajo ka thënë se ka vendosur të mos vazhdojë me procesin e përzgjedhjes së noterëve të rinj, pasi sipas saj, shumica e kandidatëve janë zgjedhur pa meritë dhe përmes lidhjeve e nepotizmit.
“ka qenë një tendencë që disa kandidatë të kalojnë në mënyrë meritore, në mënyrë që këtij procesi të komprometuar t’i jepët pak vlerë”, ka thënë Haxhiu.
Pika e dytë e këtij vendimit, sipas saj, precizon që Ministria e Drejtësisë t’ua kthejë paratë kandidatëve që i kanë paguar për këtë proces.
Ajo ka treguar se konkursi për emërimin e noterëve do të hapët sërish dhe për këtë thotë se do të bashkëpunojë me Unionin Gjerman dhe shoqërinë civile.
***
Ministrja e Drejtësisë, Albulena Haxhiu ka marrë vendim që të anulojë provimin për noterët e rinj.
Ministrja Haxhiu tha se nuk mund të shtyjë përpara një proces që nuk ka pasur as ligjshmëri as transparencë e as objektivitet.
“Nuk mund të shtyjë përpara një proces i cili është duke u hetuar edhe nga Prokuroria. Sot marr vendim që pas konsultimeve që kam bërë me kabinetin tim dhe departamentet përkatëse brenda MD-së, kam vendosur që të anulojë procesin apo provimin për noterët e shpallur më 19 prill 2019 dhe pika e dytë e këtij vendimi është që të gjitha pagesat të cilat tashmë janë bërë nga kandidatët që i janë nënshtruar provimit të noterisë, do të kthehen”, deklaroi Haxhiu.
