Zëvendëskryeministri, Haki Abazi, priti sot në takim ambasadoren franceze në Kosovë, Marie Christine Butel.
Në këtë takim, Butel e uroi Abazin për marrjen e detyrës. Ajo theksoi mbështetjen e Francës ndaj Qeverisë së Kosovës në fushat që preokupojnë të dyja palët.
Zëvendëskryeministri Abazi, shprehu gjithashtu gatishmërinë e Qeverisë së Kosovës për thellim të bashkëpunimit me theks të veçantë në ruajtjen e mjedisit, ujërat si dhe investimet në energji alternative.