Zyrtari i Lidhjes Demokratike të Kosovës në Mitrovicë, Safet Kamberi ka reaguar pas sulmit me vezë ndaj Avdullah Hotit, që ndodhi sot.
Kamberi, përmes një shkrimi në Facebook, i ka poshtëruar sulmuesit e zëvendëskryeministrit Avdullah Hotit.
Ai ka thënë se nga sportet e rënda kanë ra në vezë pulash.
Ai madje thotë se profesori Hoti është i fortë dhe nuk frikësohet.
“Ju që pretendonit se jeni për sporte të rënda, tash keni ra në vezë pulash.
Ama, Profa është aq i fortë, e këtë fortësi e ka nga pastërtia dhe integriteti i tij, sa që nuk e frikësoni dot as me vezë e as me forma tjera”, shkruan Kamberi në Facebook, përcjell gazeta “Bota sot”.
