Gratë nuk festojnë, marshojnë dhe hynë në grevë për 8 Mars

Aktuale

Gratë nuk festojnë, marshojnë dhe hynë në grevë për 8 Mars

Më: 23 shkurt 2020 Në ora: 23:38
Ilustrim

Në Prishtinë, më 8 mars do të ketë protestë.

Gratë kanë paralajmëruar se në Ditën Ndërkombëtare të Grave, do të marshojnë, pasi kanë vlerësuar se nuk kanë asgjë për të festuar.

Ato do të kërkojnë drejtësi gjinore dhe shoqërore në Kosovë, duke rezistuar dhe duke e luftuar deri në ç’rrënjosje sistemin patriarkal, i cili thonë se i shtypë dhe i diskriminon çdo ditë.

“Ditën e diel, në ora 12:00 mblidhemi në sheshin Zahir Pajaziti për të marshuar për drejtësi shoqërore dhe barazi gjinore, për një ndarje më të drejtë të privates dhe publikes, për jetë të dinjitetshme pa seksizëm, shtypje e padrejtësi gjinore, shoqërore dhe ekonomike. Duke marshuar, kundërshtojmë çdo lloj të padrejtësisë që ushtrohet ndaj grave. Marshi i paraprinë grevës kolektive të grave me apo pa kontrata pune. Të dielën hyjmë në grevë për të kundërshtuar diskriminimin që iu bëhet grave. Hyjmë në grevë dhe refuzojmë çfarëdo pune , të ndërrimit të parë apo të dytë, të papaguar apo të paguar. Refuzojmë të punojmë edhe të dielave, ditë kjo e cila për gratë nuk është pushim. Me 8 mars, të bashkuar/a marshojmë, rezistojmë dhe e kundërshtojmë këtë sistem patriarkal i cili është shtypës, i padrejtë dhe poshtërues për qytetaret e qytetarët e republikës së Kosovës”, thuhet në një njoftim në Facebook.

commentFirst article
Sot mund të lexoni Shfletoni kopertinat