Ish-ambasadorja e Kosovës në Itali Alma Lama, ka kërkuar kujdes me përdorimin e termit “taksë” dhe “tarifë”.
Ajo ka thënë se Kosova nuk ka vendosur taksë ndaj Serbisë, por tarifë doganore, përcjell Bota sot.
Lama ka theksuar se Serbia është e interesuar që ta quajë “taksë”, pasi sipas saj, ajo e konsideron Kosovën pjesë të territorit të saj.
Postimi i Lamës në Facebook:
Kujdes me termat!
Kosova nuk ka vendosur taksë ndaj Serbisë, por tarifë doganore. Tarifa është një taksë që vendoset për mallrat e importit dhe eksportit nga një vend tjetër.
Tarifë vendos një shtet për mallrat që hyjnë nga shteti tjetër, ndërsa taksa vendosen edhe brenda një shteti.
Serbia është e interesuar ta quajë “taksë”, sepse e konsideron Kosovën pjesë të territorit të saj.
Ndërsa përfaqësuesit e Kosovës duhet të përdorin vetëm termin “tarifë”.