Emisari i SHBA-ve për dialogun Kosovë-Serbi Richard Grenell, ka reaguar pas vendimit të kryeministrit të Kosovës Albin Kurti, për heqjen e pjesërishme të taksës ndaj produkteve serbe dhe boshnjake.
Grenell ka thënë se SHBA nuk e përkrah heqjen e pjesërishme të taksës, përcjell Bota sot.
AI në një postim në Twitter, ka theksuar se SHBA ishte e qartë se taksa duhet të hiqet plotësisht.
Sipas tij, Kurti ka bërë një gabim serioz dhe se kjo iu bë e qartë sot në Shtëpinë e Bardhë edhe presidentit Hashim Thaçi.
“Ne nuk e mbështesim masën gjysmake të kryeministrit Kurti. Pozicioni ynë është mjaft i qartë: tarifat duhet të hiqen plotësisht. Z. Kurti është duke bërë një gabim serioz - dhe kjo iu bë e qartë Presidentit Thaçi në Shtëpinë e Bardhë sot”, ka shkruar Grenell./BS
Postimi i Grenell në Twitter
