Ish-diplomati Bashkurti: S’ka thyerje të marrëdhënieve strategjike Kosovë-SHBA

Aktuale

Ish-diplomati Bashkurti: S’ka thyerje të marrëdhënieve strategjike Kosovë-SHBA

Më: 6 mars 2020 Në ora: 20:30
Lisen Bashkurti

Për ish-diplomatin Lisen Bashkurti, nuk ka ndonjë thyerje mes marrëdhënieve strategjike mes SHBA dhe Kosovës. Z. Bashkurti thotë se kjo vjen edhe për shkak të zhvillimeve të fundit siç janë rotacioni i thellë i pushtetit në Kosovë dhe zgjedhjet e reja që priten në Serbi.

Nga ana tjetër, nënvizoi se, institucionet e reja në BE kanë pak që janë konstituar kurse dhe në SHBA priten zgjedhjet presidenciale dhe ka dinamikë deklaratash. Të gjithë këto tha ish-diplomati kanë sjellë një dinamikë të re në zhvillimet e fundit.

Ndërprerja e negociatave Serbi-Kosovë për gati një vit e gjysmë dhe ndërhyrja e palëve të treta në këtë dialog, e bën të vështirë sipas ish-ambasadorit rifitimin e besimit për të dialoguar sërish.

“Vendosja e taksës ishte e imponuar, nga kokëfortësia e Serbisë, revanshi në marrëdhëniet ndërkombëtare”, u shpreh z. Bashkurti duke e cilësuar vendimin e Kryeministrit të Kosovës, Albin Kurti si racional.

Ai thotë se, roli i Presidentit Hashim Thaçi nuk do të jetë përcaktues, pasi nuk ka kompetenca Kushtetuese për dialogun mes Serbisë dhe Kosovës.

“Në Kushtetutën e Kosovës, institucioni që e përgatit dhe zbaton politikën e jashtëm është qeveria. Presidenti i Kosovës nuk ka status për të përgatitur dhe firmosur marrëveshje të jashtme", tha ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat