Kryeministri i vendit, Albin Kurti është pyetur në një konferencë për media rreth vendimin eventual për shtyrjen e zgjedhjeve në Podujevë, pas konfirmimit të dy rasteve me koronavirus.
“Instituti Kombëtar i Shëndetit Publik është në kontakt me ministrin tonë të shëndetësisë. Besojë se në kto orë të mbetura të ditës së sotme ata do të japin rekomandimin e duhur për KQZ-në”, ka thënë ai.
Kurti ka konfirmuar vendimin e fundit të Qeverisë, lidhur me korona-virusin.
“Mbyllja e kafiterve, restoranteve, mbyllja e tregjeve. Reduktohet stafi në çdo institucion publikë, përpos shëndetësisë dhe sigurisë, Kompanitë private urdhërohen që punëtorët t’i kryejnë nga shtëpia…”, ka thënë Kurti.
Kurti ka thënë se të gjithë qytetarët që hyjnë në Kosovë do të kontrollohen dhe do të vetëizolohen në një periudhë prej 15 ditëve.
“Qeveria e Kosovës ka vendosur që të mbyllen kufijtë tokësor për ata që hyjnë në Kosovë përveç për shtetasit e Kosovës. Qytetarët do të kontrollohen dhe do të vetëizolohen për 15 ditë”, tha Kurti gjatë mbledhjes së Qeverisë.
Tutje, Qeveria ka vendosur që të mbyllen të gjitha kafiteritë dhe restorantet dhe aktivitetet kulturore e sportive.
“Qeveria ka vendosur që të mbyllen kafet dhe restorante, të gjitha qendrat tregtare dhe të pezullohen të gjitha aktivitetet kulturore dhe sportive në të gjithë Kosovën”, shtoi Kurti.
