Lidhja Demokratike e Kosovës, përmes një komunikate ka njoftuar opinionin se ka dorëzuar kërkesën për mocion të mosbesimit me 46 nënshkrime.
Sipas LDK-së, Kurti nuk reflektoi në mundësinë shtesë që ia dha kryeministrit Kurti që ta heq taksën plotësisht dhe ta kthejë në detyrë ministrin Veliu, së bashku me një kërkim-falje.
Komunikata e plotë:
Përkundër vendimit të Kryesisë së LDK-së, kryetari Mustafa i ka dhënë një mundësi shtesë Kryeministrit Kurti që të reflektojë sot në heqjen e plotë dhe pa kushte të tarifës si dhe ta kthejë në detyrë ministrin Veliu, me kërkim falje për veprimin e ulët ndaj tij. Por, Kryeministri nuk reflektoi. Prandaj, sot në fund të orarit të punës, LDK ka dorëzuar kërkesën për mocion të mosbesimit me 46 nënshkrime.
