Zëdhënësi i Bashkimit Evropian për çështje të jashtme, Peter Stano, ka reaguar pas kritikave të presidentit Hashim Thaçi në drejtim të kryediplomatit sllovak, Miroslav Lajçak, i cili pritet të jetë përfaqësues i posaçëm i Bashkimit Evropian për dialogun Kosovë-Serbi.
Ai përmes një postimi në Twitter ka thënë se është i befasuar që sheh një qëndrim të tillë, pasi sipas tij, ende asnjë përzgjedhje nuk është bërë.
“I befasuar të shoh një qëndrim të tillë të pa saktë. Procedurat brenda BE-së janë duke vazhduar, nuk është marrë ende asnjë vendim. Asnjë përzgjedhje s’është bërë apo publikuar. Fillimisht procesi duhet të kompletohet, dhe do të tregojmë pastaj zyrtarisht”, ka shkruar Stano.
Presidenti i Kosovës, Hashim Thaçi, i cili haptas ishte kundër emërimit të tij, ka reaguar duke “e uruar” e duke përkujtuar se ai është kundër Kosovës së pavarur.
“BE-ja zyrtarisht emëroi një të Dërguar Special për dialogun mes Kosovës dhe Serbisë. E uroj për postin e mirë që mori. Por misioni i tij i ri është i destinuar të dështojë për shkak të punës së tij të mëhershme për të ndaluar Sllovakinë ta njohë Kosovën dhe votimin kundër ulëses së Kosovës në UNESCO”, ka shkruar Thaçi.
Surprised to see such inaccurate & factually incorrect statement, procedures within the EU are ongoing,no decision was taken, no appointment made nor announced,once the process is completed, we will announce officially @MFAKOSOVO https://t.co/kZWlGyVlpV
— Peter Stano (@ExtSpoxEU) March 21, 2020
