Lutfi Haziri jep detaje për personat e prekur me Covid19 në Gjilan, tregon planin për Anamoravën

Aktuale

Lutfi Haziri jep detaje për personat e prekur me Covid19 në Gjilan, tregon planin për Anamoravën

Nga: A.M. Më: 22 mars 2020 Në ora: 08:31
Lutfi Haziri

Kryetari i komunës së Gjilanit, Lutfi Hazirin, ka folur për dy rastet  pozitivë me Covid19.

Ai në Facebook, ka shkruar se dy rastet janë të ndara dhe nuk kanë historik të përbashkët, si dhe " njëri është nga Zhegra, ndërsa tjetri me origjinë nga Vrapçiqi, por që jeton në Ferizaj dhe sipas të dhënave, ka ardhur para disa ditësh nga Gjermania".

Po ashtu,  ka shtuar se "në takimin me kryetarët e Anamoravës, jemi dakorduar se në momentin që paraqitet ndonjë rast në këtë pjesë, t’i kërkojmë qeverisë së Kosovës që ta karantinojë komplet Anamoravën sepse jemi në trekëndëshin kufitar me Maqedoninë Veriore dhe Serbinë".

Postimi i plotë:

Nga 66 mostrat e marra sot nga Gjilani, fatkeqësisht dy raste rezultuan pozitivë me #Covid19.

Dy rastet janë të ndara dhe nuk kanë historik të përbashkët, përderisa po shikohet historiku i kontakteve të tyre.

Njëri është nga Zhegra, ndërsa tjetri me origjinë nga Vrapçiqi, por që jeton në Ferizaj dhe sipas të dhënave, ka ardhur para disa ditësh nga Gjermania.

Nga informatat e para, e infektuara ka pasur kontakt me familjen në Vrapçiq gjatë vizitës.

Po bëhet historiku i kontakteve dhe Insituti Kombëtar i Shëdetësisë Publike do t’i ketë informatat në detaje.

Pas këtyre dy rasteve, apeloj që të vetizoloheni dhe të mos qarkulloni pa nevojë, sikurse edhe t’i zbatoni të gjitha rekomandimet e institucioneve të Republikës, që të kujdesemi për vete, për familjen, për lagjen, për komunën.

Në takimin me kryetarët e Anamoravës, jemi dakorduar se në momentin që paraqitet ndonjë rast në këtë pjesë, t’i kërkojmë qeverisë së Kosovës që ta karantinojë komplet Anamoravën sepse jemi në trekëndëshin kufitar me Maqedoninë Veriore dhe Serbinë.

Ju lutem, qëndroni në shtëpi dhe për gjithçka do të jeni të njoftuar me kohë.

Komiteti për mbrojtje dhe shpëtim për parandalimin e Covid-19 dhe Qendra Operative Emergjente, 24 orë janë duke e menaxhuar situatën. Rrini pa brenga!

commentFirst article
Sot mund të lexoni Shfletoni kopertinat