Kryetari i Nismës Socialdemokrate, Fatmir Limaj, ka thënë se pret që mocioni i mosbesimit të ketë sukses.
Ai ka thënë se këtë krizë qeveritarr e ka shkaktuar kryeministri.
Kreu i Nismës thotë se Kosova nga nesër mund të jetë më mirë për faktin se një nga partnerët ia ka hequr besimin partnerit tjetër.
“Të gjtihë duhet jemi të shqetësuar më veprimet e qeverisë, duke krijuar krizë të panevojshme në kohën e korona virusit. Kjo situatë nuk do të mund të vinte nga opozita. Kriza mund të kalohet përmes mocionit. Qeveria në detyre duhet t’i kryej detyrat e saja kushtetuese dhe të mos sjellë panik tek qytetarët pasi pavarësisht seancës së nesërme ajo do të jetë duke përmbushur detyrat e saja kushtetuese”, ka thënë Limaj në RTK.
Ai ka thënë se preferon qeverisje të gjerë me VV-në brenda për t’i kryer disa tema dhe me i kriju kushtet për zgjedhje.
Sa i përket deklaratës se ambasadorit Kosnet, ai ka thënë se për SHBA është e shenjtë.
Lideri i Nismës e ka komentuar vendimin e qeverisë për kufizimin e lëvizjes se qytetarëve.
“Çdo vendim i qeverisë Kosovës duhet respektohet, pavarësisht a na pelqejnë ose jo. Gjithmonë ka rrezik me pas mundësi joligjore, prandaj janë gjykatat që e konfirmojnë. Mendimi im është se ai vendim është antikushtetues, mirëpo derisa nuk flet Gjykata Kushtetuese cdo kush e ka për obligim ta zbatoj vendimin e qeverisë”, ka shtuar Limaj.
Sa i përket pandemisë, Limaj ka bërë apel që të respektohen të gjitha udhëzimet e profesionistëve të kësaj fushe. Ai ka thënë se sot ka mijëra punëtor, shërbyes civil në krye të detyrë.
“Shqetësuse janë deklaratat e disa kryetarëve të komunave që kërkojnë mbështetje dhe ka vonesë në ndihma sic janë Malisheva e Vitia.
“Ndihma më e madhe që mund t’i ipet Malishevës e Vitisë është të testohen ata njerëz që kanë pasur kontakt me njerëzit e infektuar. Është e tmerrshme që në Malishevë dhe Viti dergohen vetem 50 maska”, ka përfunduar Limaj.
