Për më shumë se shtatë orë, po mbahet seanca e Kuvendit të Republikës së Kosovës për mocionin e LDK-së, për rrëzimin e qeverisë Kurti.
Dy partitë që formuan koalicionin LDK dhe VV po hedhin akuza në adresë të njëra-tjetrës për gjendjen e krijuar politike.
Derisa, deputetja e VV-së, Fatmire Kollçaku tha se më së paku në këtë kohë pandemie është dashur të mbahet një seancë, e ata që e kanë thirrur duhet të mbajnë përgjegjësi.
“Unë sot që nëse sot ndonjë deputet infektohet mos t’ja qesin respiratorin. A po mendoni që ne jemi imun ndaj kësaj sëmundje? E kam thënë dhe po e them, në këtë situatë, kjo është seancë e turpit. Dikush po thotë që s’jemi të rrezikum? Por ai që e ka thirr le të mbanë përgjegjësi.
Mos e votoni mocionin, pasi që për çdo gjë ka kohë, por jo edhe nëse bjen qeveria. S’keni partner, prandaj mos e votoni”, ka thënë ajo.
