Deputetët e LDK-së gjatë seancës së jashtëzakonshme kanë deklaruar se janë duke marrë mesazhe të shumta nga aktivistët e Lëvizjes Vetëvendosje.
Deputeti i Kuvendit të Kosovës, nga radhët e Lidhjes Demokratike të Kosovës, Arban Abrashi, ka publikuar në rrjetin social në Instagram, mesazhet të cilat është duke i marrë nga një aktivist i Lëvizjes Vetëvendosje.
“Bashkëbisedim më një aktivist të VV-së”, ka shkruar Abrashi në Instagram, përcjell “Bota sot”.
Ndryshe, mesazhe të tilla tha se ka pranuar edhe deputeti tjetër i LDK-së, Driton Selmanaj.
Ai ka treguar se në telefon të tij, kanë ardhur 113 mesazhe kërcënuese nga anëtarë e simpatizantë të VV-së.
Për një gjë të tillë ka treguar vetë ai në fjalën e tij në Kuvendin e Kosovës, duke i kërkuar kryeministrit Albin Kurtit që të ndalë propagandën që po bëhet nga militantët të Vetëvendosjes.
