Mjekëve që po kontrollonin të izoluarit në Qendrën Studentore, iu kanë shtuar edhe disa vullnetarë.
Janë rreth 25 persona që tash e disa ditë po ofrojnë asistencë vullnetare me shërbimet mjekësore por edhe ato logjistike.
Puna kryesore e tyre, është vëzhgimi i gjendjes shëndetësore të personave të izoluar.
Ata janë studentë në vitin e fundit të studimeve në Fakultetin e Mjekësisë dhe erdhën këtu përmes ministrisë së Shëndetësisë.
Këta thonë se edhe pse gjendja është e vështirë, vullneti i tyre për të dhënë kontribut në këtë situatë nuk mungon.