Deklarata skandaloze: Ramush Haradinaj thotë se Albin Kurti financohet nga qarqe të dyshimta

Aktuale

Deklarata skandaloze: Ramush Haradinaj thotë se Albin Kurti financohet nga qarqe të dyshimta

Më: 27 mars 2020 Në ora: 20:30
Ramush Haradinaj dhe Albin Kurti

Kreu i Aleancës për Ardhmërinë e Kosovës, Ramush Haradinaj, ka akuzuar kryeministrin në largim, Albin Kurtin, për financim të dyshimtë nga, siç ka thënë ai, “qarqe të dyshimta kundër Kosovës”.

Haradinaj është shprehur se Kurti e ka pasur fushatën më të shtrenjtë, prej të gjithë kandidatëve për kryeministër në zgjedhjet nacionale të 6 tetorit.

Ai ka thënë se Kurti ende nuk i ka treguar financat e tij dhe partisë së tij, Lëvizjes Vetëvendosje.

“Kurti si ka treguar ende Kosovës se sa para ka shpenzuar për fushatën e tij që ka qenë më e shtrenjta nga gjithë ne. Le të tregojë ai sa pare harxhon për të gjitha këto faqe të përkrahësve të tij, sepse kushton me mbajt një infrastrukturë të tillë. Ai financohet nga qarqe të dyshimta që janë kundër Kosovës”, ka thënë Haradinaj.

Haradinaj ka akuzuar Kurtin se “është mashtrues, koncepti i tij është mashtrim. Është jashtëzakonisht elokuent por jo gjithmonë mund të mashtrojë”.

commentFirst article
Sot mund të lexoni Shfletoni kopertinat